13 مؤهل ومهارة لازم تشتغل عليهم لو عايز تشتغل في أي مكان .. بأعلى سعر ممكن
────────────
1 } متعلم ذاتي #Self_Learning
────────────
بتقدر تتعلم أي حاجة لوحدك ومش محتاج حد يدرسهالك. مفيش شركة عايزة تدفع في تعليم موظفين والمعظم عايزة ناس جاهزة و updatedبكل ما هو جديد في المجال.
────────────
2 } كوتش لنفسك #Self_Coaching
────────────
ببساطة تقدر تتغلب على نقط ضعفك وتطور من آداءك وتزود إنتاجيتك ونقط قوتك بنفسك. أنت كوتش نفسك ومسيطر تماماً على حياتك.. إقرأ في ال life coaching و business coachingوحاول تطبقه على نفسك وشركتك.
────────────
3 } وعي ذاتي #Self_Awareness
────────────
تبقى عارف كويس أنت مين داخلياً. وعايز توصل لفين. داخلياً المقصود بيه إنك تبقى على دراية تامة بشخصيتك، ونمطك الشخصي، ومهاراتك، وقدراتك، ومواهبك، وقيمك، ونقط ضعفك وقوتك، واحتياجاتك ورغباتك، وعواطفك وإهتماماتك.. كل كلمة من دول لازم تبقى عارف رد ليها بناءً على ملاحظة وتجربة.
────────────
4 } وعي عام #General_Awareness
────────────
تبقى عارف حاجتين: أولهم سوق العمل بتاعك متطلباته ايه وإزاي تنافس فيه وتقتحمه.. وثانياً تبقى عارف كل حاجة عن الشركة اللي مقدم فيها: (رؤيتها ورسالتها وقيمها، نوع البيئة جواها عامل إزاي، الهيكل التنظيمي، التواجد في السوق، المنافسين والشركاء، نظام العمل والأجور..)
────────────
5 } تسويق شخصي #Personal_Branding
────────────
تكون عامل لنفسك اسم وبراند. التسويق الشخصي هو أول جملة بتتقال عليك لما يجي اسمك. لازم تكون في حاجة إيجابية ومفيدة للمجتمع ومؤثرة بشكل كبير. ويكون تواجدك على LinkedIn قوي جداً وعندك أكتر من 500 connectionوسمعتك كويسة ومشهود ليك بتخصصك وتمكنك من المجال.
────────────
6 } الإحترافية #Professionalism
────────────
إحتراف تام من أول ال CV بتاعك يبقى على المعايير العالميةو formal emailاللي بتخاطب بيه الشركةو General appearance وهيئتك العامة تبقى شيك وملائمة لجو الشركة، وعندكetiquette في التعامل، بتحترم مواعيدك وبتسلم التاسكات اللي عليك وجد تماماً في شغلك وبتعرف تفصل الأمور الشخصية عن الأمور المهنية .
────────────
7 } إتقان تام للغة #Language_Fluency
────────────
كلغة إنجليزية فأنت لازم تبقى متقن تماماً ليها في الأربع مهارات بتوعها سواء كانت listening speaking writing reading وكل مكان معاك لغة تانية كل مدا بيزود من فرص قبولك وتميزك وقبولك للتعين في البلد اللي بتتقن لغتها.
────────────
8 } متعدد القدرات #Multi_Potentiality
────────────
متخصص في مجال واحد أو اتنين ولكن متعدد الإمكنيات وتقدر تعمل أكتر من حاجة، مش المقصود هنا multi-taskingبإنك تعمل أكتر من حاجة في وقت واحد لأن دا أثبت فشله وبقى نقطة ضغف، ولكن متعدد القدرات المقصود إنك بتفهم في أكتر من مجال والشركة تقدر تستفيد منك في أكتر من قسم وتقدر تعتبرك joker لو حصلت أزمة أو يمسكوك قسم جديد عشان هتقدر تتكيف عليه وتتعامل معاه .
────────────
9 } التفكير النقدي #Critical_Thinking
────────────
ودي المهارة اللي بيتراهن عليها السنين الجاية إنها هتبقى المهارة رقم 1 في العالم المهني، والمقصود بيها إنك تبقى بتعرف تحلل الأمور كويس جداً وتاخد قارارت سليمة وبتعرف تكتشف العيوب والمميزات وتتنبأ بالمستقبل بناءً على الحاضر والماضي والدلايل المنطقية، و دي بيندرج تحتيها: problem solving و decision making و analytical skillsكلهم هتنوب عنهم التفكير النقدي.
────────────
10 } الذكاء العاطفي #Emotional_Intelligence
────────────
وهو أربع مراحل إنك تعرف أنت مين، وتسطير على مشاعرك، وتعرف تقرأ مشاعر الآخرين عشان توصل لآخر مرحلة وهو التواصل الفعال معاهم، وبيندرج تحتيه حاجات مطلوبة زي الإنتباه والتركيز مع التحليل، دا غير إنه نوع من أنواع الذكاء..
────────────
11 } إحتراف التكنولجيا
#technology_and_technical_professional
────────────
العالم كله بيتجه للتكنولوجيا، فلازم تبقى محترف تماماً في حاجات أساسية زي internet research و software programsاللي خاصة بشغلك، وعلى دراية بلغات البرمجة وأنظمة التخزين الوهمي وغيره من التطورات التكنولوجية لأن دا بيزود من وعيك بطبيعة الشركة اللي أنت فيها حتى لو مش شغلانتك الأساسية، وطبيعي جداً تبقى Excellentفي برامج مايكروسوفت وما شابها من برامج بس بالتجربة العملية مش بشهادة ICDL المنقرضة.
────────────
12 } عندك مسئولية إجتماعية #Social_Responsibility
────────────
الشركات مش عايزة الشخص اللي بيهتم بنفسه وبس، عايزة الشخص المتطوع المؤثر في مجتمعه بمشاريعه وأفكاره، اللي عنده إستعداد يتعلم عشان يفيد غيره لأن دا بيحقق ربح للشركات وبيعفيها من الضرايب وبيخلق جو عمل مثالي غير تقليدي، عشان كدة ال Volunteeringمهم جداً جداً لصورتك قدام الشركة مستقبلاً.
────────────
13 }التكيف والمرونة والتطوير
#adaptability #flexibility and #development
────────────
شخص قادر على التكيف مع أي تغيير، مرن مش متمسك ومتعصب، المتفتح على ثقافات مختلفة “بتبقى ميزة للناس اللي أخدت Scholarships برة”، وقادر إنه يطور من الحاجة بقدراته البحثيةو creative thinking بتاعه،سواءً تطوير منتج أو منهج أو تطوير آداء المؤسسة ككل، و دا هيتطلب من الشخص إنه يكون عنده دراية ب management performanceأو تقييم آداءه عشان يسعى لتطويره.
